Huts egiteari buruzko obra bat. Hasteko leku hobe baten bila dabiltzan Kolonoen karabanak. Bere lekua bilatzen duen belaunaldi bat. Punka iritsi da. Duelu bat. Westernaren isiltasun existentziala.
Bera izan nahi ez duen arnegatua. Ni naiz naizena. Euskal diaspora Idahon eta Nebraskan. Cowboy bat txistuka. Hiru lagunek kontatu digute 80ko hamarkadan hasi eta gaur amaituko den istorio bat, hemen, zure aurrean. Sioux indiarrak euskal folklorea defendatzen. “Bilatzen da” kartela. Saloon bat hustea. Beste okupazio bat. Clint Eastwoodek esan du ez duela soldaduskara joan nahi. 1880 da. Bolbora eta goma 2. Nuklearrik ez, ez hemen ez inon ez. Urrearen sukarra eta ontziolen itxiera. 1980 da. 8.000 indiar eta bakero Herrera de la Manchara joaten. 8.000 lagun desertua zeharkatzen, eta sheriff bat, muino batetik begira. Pentsamenduaren etsipenari eta borroka kolektiboei buruzko istorioa. Zaldia. Zaldi talde bat arrapaladan urruntzen. Belaunaldi baten amaiera. Polizia asko dibertsio gutxi. Porrota. Amerikako Estatu Batuetako erreserbak. Punkaren zuloak. Biak erresistentzietara murriztuak. Zerumuga. Nire atzetik datorren jendea. Oraindik kolonizatzeko dagoen zelai handi bat, nire atzean. Gaur. Da. Etorkizuna. La Polla Records abesten zuena.
Dramaturgia eta Zuzendaritza Olatz Gorrotxategi Zuzendari Laguntzailea Marta Álvarez Del Valle Ikusentzutekoak Indi Costa Mugimendu eszenikoa Maitane Zalduegi Antzezleak Aritza Rodriguez, Olatz Gorrotxategi. Marta Álvarez Del Valle Musika: Joseba B. Lenoir Foley Alberto De La Hoz Jantziak Lorena Montenegro Argiztapena Paco Trujillo Argi Teknikaria Imanol García Distribuzioa Solobe Art Argazkia Son Aouji